ART WITHOUT BORDERS!!!!

Dado que somos un colexio con moitas nacionalidades, neste curso escolar 25-26 estamos a traballar o PDI titulado “Burela sen fronteiras” onde cada nivel traballa dous países propios da cultura orixinaria das familias do noso alumnado. Quinto curso escolleu Indonesia e Polonia. Primeiro fixeron unha investigación sobre os distintos artistas,as súas obras e crearon unha táboa de datos por equipos, con toda a información recollida. Para finalizar fixeron por grupos ,unha obra pictórica coa técnica do collage con materiais de refugallo. Aquí vos deixo o traballo feito polo noso alumnado de quinto.Que artistas están feitos.!!!!!

GRAFFITI.

Seguindo un titorial sobre graffiti:https://www.youtube.com/watch?v=rxMrpcEnq5E, o alumnado de 5º fixo o seu nome usando esta técnica, traballando as cores e 3D.

Graffiti de tere

SANTA CLAUS.

O alumnado de 4.º de Educación Primaria realizou unha manualidade de Nadal empregando materiais reciclados, elaborando un Santa Claus a partir dunha botella de plástico. Partimos da idea, inspirada en Pablo Picasso, de que a arte pode nacer de formas sinxelas e de obxectos cotiáns, transformándoos con creatividade e imaxinación. Para a decoración utilizamos goma eva na roupa e nos detalles, e algodón para crear a barba e o gorro, traballando as texturas e o volume. Cada neno e nena puido tomar decisións persoais sobre cores e formas, entendendo que, igual que facía Picasso, non hai dúas obras iguais. Como remate, o alumnado introduciu unha luz de Nadal no interior da botella, que conta cun interruptor, aprendendo a acendela e apagala de maneira segura, convertendo a súa creación nun elemento decorativo luminoso e cheo de maxia. Esta actividade permitiunos desenvolver a creatividade, a expresión artística e o respecto polo medio ambiente, unindo arte, reciclaxe e espírito de Nadal🎄🎅🏻.

ELF YOURSELF.

Que nervios, os elfos están aquí!!!! Xa están os elfos traballando moi duro nos nosos agasallos. Andan moi apurados porque o Nadal xa está chegando. O alumnado de segundo fixeron uns elfos chulísimos coa súa propia cara.Mirade que chulos.

Christmas cards

Nesta sesión creativa inspirámonos na liberdade artística de Pablo Picasso, especialmente na súa etapa máis expresiva, onde as cores intensas, as liñas soltas e a exploración de materiais eran protagonistas. O alumnado de primeiro, elaborou unha postal de Nadal sobre cartolina rosa, empregando ceras de cores, purpurina, algodón e pequenas boliñas de papel de aluminio. Igual que facía Picasso, deixamos que cada nena e neno experimentase sen límites, combinando trazos espontáneos, superposicións de cor e texturas variadas para crear unha composición chea de personalidade. As estrelas, a árbore navideña e os detalles decorativos aparecen representados cun estilo libre e expresivo, que lembra á creatividade infantil que Picasso tanto valoraba cando dicía: “Todos os nenos nacen artistas”. O resultado foron postais únicas, vibrantes e cheas de emoción, onde o caos creativo se transforma en arte. ✨ Un Nadal con mirada picassiana

Celebrando Thanksgiving day.

Este xoves foi o día de Thanksgiving no país da nosa auxiliar de conversa.Aproveitamos a ocasión para coñecer un pouco máis esta tradición, dar as gracias por todo aquilo polo que nos sentimos agradecidos e, como a comida é parte fundamental desta celebración, fixemos estas cabazas en 3D.

Abstract Art.

O alumnado de 5° realizou unha obra de arte mergullando unha corda en pegamento e facendo diferentes formas. Así quedaron de bonitos os traballos!!

HAPPY HALLOWEEN.

En 4º quixemos celebrar o Halloween dun xeito moi profesional… aprendimos a difuminar con témperas para acadar unha noite terrorífica na que non podían faltar as árbores e os morcegos, empregando a técnica das sombras para darlle profundidade a unhas obras tan reais! Tampouco faltou o azucre, por se non o sabiades, non só se usa na cociña, tamén nos ofrece acabados tan orixinais coma este, no que logramos aportar un efecto 3D á Lúa recreando os cráteres á vez que representa a luminosidade do noso satélite! Happy Halloween, families!.

MY WITCH.

 En 1B quixemos celebrar o Halloween con estas bruxiñas tan coloridas! Como chegou o frío, aproveitamos a técnica aprendida cos bastonciños de algodón para acabar a nosa obra de arte con uns copiños de neve que quedaron moi reais! Esperamos que vos guste!

WITCHES' HATS.

 

Traballamos con témperas facendo uso dos bastonciños de algodón para obter unhas creacións moi coloridas!Comenzamos co puntillismo que cubriu todo o gorro!!!Serán os sombreiros das nosas cabazas.

DAWN.

 

Coa axuda dos pinceis e témperas acadamos uns cadros tan chulos como estes.Aprendemos a facer degradados e a coñecer o fermosas que poden ser as sombras negras neste fondo que semella cobrar vida.

SYMMETRIES.

Para rematar o curso dun xeito máis divertido, en sexto de E.Primaria traballáronse as matemáticas a través dunha actividade plástica.

BONECO CRECEPELO.

O alumnado de segundo fixo unha actividade globalizada do “Boneco crecepelo” onde traballamos as plantas,o seu crecemento e os coidados necesarios.Dende a área de Educación Artística finalizámola poñéndolle ollos, boca e decorándoa. Repasamos o vocabulario das partes da cara en inglés así como as partes das plantas.Mirade que guapos quedaron!!!!.

AMINAH ROBINSON.

O alumnado de sexto de EP estivo a traballar ao artista Aminah Robinson. Aprenderon a súa historia e obras máis relevantes. Así pois, quixemos representar Burela seguindo o seu estilo en Poindexter village, usando materiais variados para crear auténticas obras de arte. Velaquí as nosas producións.

Aminah Robinson de tere

MY BEST FRIEND.

O alumnado de cuarto realizou, na sesión de plástica, unhas flores nas que describiron positivamente a un compañeiro ou compañeira. Traballamos vocabulario sobre sentimentos e emocións. Aquí vos deixo uns exemplos.

MY BEST FRIEND de tere

PABLO PICASSO.

O alumnado de primeiro de Primaria estudaron a Picasso en Plástica. Despois fixeron os seus propios retratos picassianos. Quedaronnos ben fermosos, non é?

Día das Letras Galegas.

O Día das Letras Galegas de 2025 adícase á poesía popular oral,en concreto ás cantareiras,destacando a súa importancia na preservación e transmisión da cultura galega a través das cantigas e bailes.Na clases de plástica de primeiro ciclo fixemos dous murais e aprendemos vocabulario relacionado coa temática.

SPRING IS HERE!!!!

Para celebrar a primavera realizamos esta actividade nas sesións de plástica, onde o alumnado do primeiro ciclo creou as súas propias flores utilizando como técnica o punteado con bastoncillos.Traballamos vocabulario propio desta estación, natureza e as cores. Quedaronnos chulísimas.!!!!

Colorful Vivid Hello Spring Video de tere

Vicent Van Gogh.

 O alumnado de 3º e 4º de EP estivo traballando sobre a vida e obra de Vicent Van Gogh."A noite estrelada" ou "Starry Night" é unha das súas obras máis coñecidas e a que os nenos e nenas, reproduciron de maneira colaborativa e libre, deixando voar a súa creatividade e imaxinación. Aquí vos deixamos os resultados.

Andy Warhol.

O alumnado de sexto de EP traballamos o pop art seguindo obras do artista Andy Warhol.Primeiro coñecimos a súa vida e traxectoria profesional, ademais das súas obras máis relevantes para poder meternos na súa pel e facer o noso propio proxecto. Velaquí tedes a nosa obra pop art.